موضوع خاص بحوامل الشهر التاسع و النافس

موضوع خاص بحوامل الشهر التاسع و النافس






السلام عليكم ورحمة الله وبركاته
حبيت ندير هاذ الموضوع حتى يكون مرجع للحوامل لذا ارجو من المشرفات تثبيته حتى تعم الفائدة وكامل الحوامل يشوفوه
*((بسم الله الرحمن الرحيم ))*
مرحبا بكم في الجزء الاول الخاص بالحوامل في الشهر التاسع
بما انني حامل في الشهر الثامن راني نوجد في روحي نفسيا وبما انو ولادتي الاولى كانت عملية قيصرية راني خايفة يااسر
المهم اللي دايرة عملية قيصرية من قبل ماديرش الخلطات الطبيعية نتاع تسهيل الولادة لانها تقوي الالم وهاذ موش مليح للجرح القديم في الرحم
و اما اللي ولدو عادي من قبل ماديروش الخلطات حتى نهار تشوفو الماء يعني حتى نهار تولدو لان معظم الخلطات تجيب الطلق بصح ماتفتحش الرحم يعني نهار تجي تاتولدي ديري خلطة وحدة راح تسهل الولادة بإذن الله تعالى
اتمنى يفيدكم الموضوع
حوامل الشهر التاسع عليكم وعلى المشي في النهار امشي نص ساعة او كل يومين انا للأسف مانقدرش نخرج كل يوم .... عندي الدار نمشي فيها
وكي يعود قريب موعد الولادة حاولي تسيقي بوضعية القرفصاء يعني تسيقي والمفرحة في يدك هاذي رايحة تفتح الحوض وتسهل الولادة
غطس الارجل في الماء الدافئ ودهن الظهر بزيت الزيتون الدافئ او تدخلي كامل في البانيو فيه الماء الدافئ و من بعد ارقدي

اما الخلطات كيما قلت اللي والدة عملية من قبل من الأفضل ماديرهاش
- التمر وزيت الزيتون الحر كل ما تنوضي الصباح كولي سبعة حبات تمر ومعاهم نص فنجان قهوه زيت الزيتون
- كاينة هاذ الخلطة :: بعد مرور عشرين يوم في شهرك احسبي من يوم يدخل شهرك عشرين يوم وديريها من بعد نهار تجي تاتولدي عاودي ديريها
مكوناتها ::
كاس حليب سائل معاه 5 اعواد قرنفل معاه ملعقتين عسل حر معاه ملعقتين زيت الجلجلان غليه و صفيه خليهم يدفاو واشربيه هاذ الخلطة ديريها بعد مرور عشرين يوم من شهرك ونهار تبدا اعراض الولادة يعني بعدما تشوفي الماء
وخلطات تسهيل الولادة حذاري ديروها الاكان البيبي قاعد يعني الا قلتلك الطبيبة بلي البيبي قاعد بلاكي اديري الخلطات تقدري تمشي بصح خلطات تسهيل الولادة ممنوعة واللي عندها نصائح ماتبخلناش والله يجزيها كل خير
و التساهيل بيد الله سبحانه