نصيحة من عند وحدة مجربة

نصيحة من عند وحدة مجربة
لعروس دائما في اياماتها الاولى من الزواج تشيع عليها كلمة من الكلمتين يا فحلة يا خايبة و اللي شاعت عليها كلمة خايبة حتى و اذا حاولت تصلح امورها و تولي ترقع في روحها الله غالب الكلمة كي تفوت و تخرج خلاص يعني اللي شاعت عليها كلمة خايبة معندو مبقا و تلصق فيها للابد مالا يا الشاطرات افحالو على الاقل الايام الاولى حتان تشيع بيكم كلمة فحلة و شاطرة
*دائما كي تدخلي للمطبخ ديري طابلية القضيان و احكمي شعرك متخليش مطلوق خاصة في الطياب عندكي تغلطي تمسحي في جبتك ولا بيجامتك و نتي في اكوزينة ديما ديري طرشون صغير في الطابلية امسحي فيه و اعطي لروحك هيبة اثناء الاكل يا بنات متتهرملوش ولا تاكلو الفاضلة ولا تلقاو طبسي فيه شوي اكل خلاه سلفك و لا اي واحد تنوضي طول تهزي تاكلي قداهم لالالا كولي بنظام و اقعدي على الطابلة كي العباد و كولي حاجة بالقدر و رايحا تكسبي احترام من حوايج بسيطة لازم تفرضي احترامك بعد متكملي من الشغل في الليل روحي طوووووووول ادخلي للدوش تدوشي و البسي ثياب للزوج متروحيلوش برائحة البصل و الثوم وزيد و ديري في بالك من اول يوم رايحا تكسبي الاحترام و لا العكس كوني ذات شخصية من اول يوم معاهم مثلا شمبرتك ليم انتي و راجلك فقط ميش من هب و دب يدخلك نوضي الصباح بكري بارك فيه ربي و اقضي شغلك الصباح ديما كون تصيبي و في الليل ثاني كي تكوني مكي تديري فوالو طبقي قشك و ديري امورك و متنسايش النظافة لازم تنتبهي . بلا منوصيك على اسرارك و لازم تحترمي راجلك قدام دارهم و اكيد لاازم يحترمك قدامهم علاجال يا بنات اللي ميحترمش مرتو قدام اهلو راهم اهلو ميحترموهاش هاذي حطوها في بالكم ان شاءلله تفهمو قصدي .

للأمانة منقول
حبيت تستفادو من تجربة يقلك سال مجرب و لا تسال طبيب

شكرا على الموضوع
مع تمنياتي لك بدوام الصحة و العافية
تحياتي لك و لكل من يمر من هنا
صديقتكم نهلة .