نصيحة من اخت لاخت

شوفي يابنت الناس نصيحة من اخت لاخت .. ربي قال لا خير في قوم لا يتناصحون ولا يقبلون النصيحة .. باه منبعد متقوليش ملقيتش لي ينصحني .. هادي نصيحة منعدي في وجه الله .. حبيت نقول للي عندها صديقها عزيز عليها او حبيبها .. وتحب ترضيه باي طريقة.. وهو فيه هذوا الصفات ..
يطلب منك تتصوري وتبعتيلو تصاورك ! كل ليله يتغزل فيك ويقنعك بلي انت ليه وهو ليك .. وجامي تتفارقوا .. وجامي ينساك .. ؟؟
انت قلبك غلبك و مقدرتيش تزعفيه ؟؟
قلتيلو حاضر حبيبي.."تصورتي وبعثتيلوا !!
مخممتيش في ربي سبحانوا و في يامات لي جاية !
درتي فيه كونفيونس !!
انا نقولك .. عفسة ..
_هاذا لوكان يحبك صح يخاف عليك حتى من شتى نهار لي طيح وعلى شرفك و كرامتك ويخاف عليك من غضب ربي سبحان ا قبل كل شيء حتى تصيري حلاله..
بسك منبعد راح تتضاربوا وهدي مافيهاش هدرة بسك مكاش علاقة حب ولا صداقة بلا مضاربة .. وزعاف .. الخ ... درتي حسابك لهاداك يوم ؟؟
علابالك بلي صورتك رح تصير بتلفونات صحابو..وصحاب صحابو ! من بلد لبلد!
بسبب حاجة وسمها الانتقام !
3-مجتمعك رح يحط لوم عليك لانك انتي "بنت" وهو "طفل"
4-مستقبلك،اهلك،حياتك، خممتي فيهم !!
تقبلي جيبي لداركم الهدرة ؟
تحبي تنقصي من شرف يماك وباباك لي رباوك ؟
تقبلي تعيشي حياتك كامل تتوجعي،تنهاني،تكوني مذلولة ضعيفة !
الشرف اهم من اي شيء بهذه الدنيا !!
انت طفل يلي متخافش على اختك ولا امك خاف من ربي سبحانوا بنات الناس مشي لعبة كيما متقبلش على ختك ويغيضك حال خمم تاني بلي بنات ناس عندهم خاوتهم ويخافوا عليهم .. ودير في بالك بلي كما تدين تدان ..
انت يا بنت الناس متكونيش مهبولة متخليش قلبك ورغبتك تتغلب عليك متضيعيش مستقبلك على جال شهوة دقيقة !!
خليك واعيه، ناضجه، جديه
الي بطلب منك عفايس هك سقسيه اذا ختوا يحب يصرالها هكك.... بلا زعاف خاوتي مجرد نصيحة على خاطر لحقت ساعة ومزالنا غافلين !!

شكرا على الموضوع اختنا الكبيرة وردة
مع تمنياتي لك بدوام الصحة و العافية ليك و لزوجك و اولادك
تحياتي لك و لكل من يمر من هنا
صديقتكم نهلة .