كيف تعرف الجزائري من بين مليون شخص ؟؟؟؟؟؟؟؟؟

كيف تعرف الجزائري من بين مليون شخص



موضوعنا اليوم مختلف شوية ومش قصدي بيه التقليل من الجزائري بصح حوايج نعملو فيها من غير ما نشعرو وأنا لأني جزائري نقولها عادي لكن لوكان يقول هالي واحد براني تأكدو راح نشعل فيه........
1:عندما نجتمعو كل العائلة كل يوم جمعة على الكسكسي ولا الشخشوخة أعرف أنو جزائري.
2:عندما يتفقد قارورة الغاز بالشمعة ولا الكبريت ولا يجد في ذلك خطورة ...أعرف أنو جزائري
3:عندما يقول* شكون* كي يطبطب الباب كأنو مش صابر على الخطوتين لي بينو وبين الباب... أعرف أنو جزائري
4:كي يرد عليه لي طب طب(لي دق )الباب بكلمة *أنا*بلى ما يقول أسمو كأنها كلمة السر لي دخلو لأي دار.....أعرف أنو جزائري
5:عندما يكون طعامك ومسكنك ودراستك ونقلك ببلاش ومن فوقها منحة كل 3 أشهر....تلقاها غير عند الطالب الجزائري
6:عندما تعيط لصاحبك ولا صاحبتك بعد نص الليل بدون أي إحراج وتزيد تسألو وقيل نوضتك من النوم؟؟هذا100%100 جزائري
7:كي يحتاجك صاحبك ويبيبيلك 10مرات لين تكره منو وتعيطلو أنت....أعرف أنو جزائري
8:عندما تتكلم في البرطابل وكي تكمل تروح تجري لرصيد انتاعك تشوفو أنت ثاني جزائري
9:إذا قالك إنشالله في الجملة الواحدة 20 مرة أكيد يكون الجزائري
10:وكي تكون الله غالب جواب على كل أخطاؤك هذا ثاني جزائري
11:وكي يكون جوابك لباس الحمد لله وأنت في أسوء حالاتك أنت جزائري
12:وكي تبوس يدك كل ما تحك عينك هذا يكون جزائري
13:كي تنادي أي مرءة كبيرة في لعمر وهي مش من أقاربك *خالتي *ولا*يما*فأعلم أنك جزائري
14:كي تنادي أي واحد متعرفوش *خويا*ولا *أختي*حتى لوكان راك في الخارج حتى حسبونا أنو الجزائرين كامل خاوا من أم وأب واحد هذا هو الجزائري
15:وكي وين ما تروح تجيب حقك ومترضاش بالظلم والحقرة هذا مليون %100 جزائري
16 : كي تقرا هذ الشروط وتضحك اعرف بلي انت جزائري ولد جزائري

والي عندو شروط اخرى يتفضل بيها هنا looool
وفي الأخير هذا هو الجزائري بكل إجابياتو وسلبياتو والجزائر نحبوها ونموتو عليها كيما كان الحال