مجموعة نصائح عامة للمقبلات على الزواج

مجموعة نصائح عامة للمقبلات على الزواج
اختي العزيزة انت مقبلة على حياة جديدة وناس جدد مش موالفة بيهم مش كيما اهلك لانه بالطبع الناس مختلفين لازمك تحفظي هاد النصائح باش تتفاداي المشاكل سواء كان الزوج او اهله يحبوا المشاكل او لا انت رابحة في كل حال
-اولا المحافظة على الاسرار
حافظي على اسرار داركم والديك خاوتك متحكيهمش لا لزوجك لا لامه لا لاخته لا لاهلك صدقيني ملزمش تحكي لانه ممكن هاد الاسرار ستستخدم ضدك ممكن هاد الاسرار رح يعايروك بيها معندوا ماداك
-حافظي على اسرارك الشخصية يعني مش تقولي سلفتي ناس ملاح جات حكاتلي نحكي انا ثاني تحكي على روحها تفرغ كيما تحب اغلبهم يجيو يصطانعوا القصص باش يسحوا الكلام منك يا الفايقة حطي بالك ماكيش ملزمة بكثرة الثرثرة اللي تؤدي للهلاك اياكي وثم اياكي
-حافظي على اسرارك انت وزوجك متحكيها لحتى انسان ويا لوكان امك لا امه لا حتى واحد انت اللي متزوجة بيه ويا ريت تفهمي السيد هاد النقطة مليح
-اسرار اهل زوجك بالاكي تنقليها لداركم والله متلومي غير روحك يا اختي ادا صرات مشكلة بالاكي
-ام زوجك او اخته تجي تمنشر في وليدها خليها تمنشر وبالاكي تعاونيها من بعد راهي تقلب عليك لانه في الاول والاخير راه ولدهم خليهم ياكلو بعضاهم انت كوني ناهي عن الشر فقط
-حكايات اي قاتلي اختك وامك ومعلاباليش واش متعمريلوش راسو بيهم لانه كون تبقاي تشكي رح تولي تبانيله مصدر ازعاج خليهم هوما اللي يظهروا بصورة مش مليحة خصوصا اذا كانوا شرانيين رح يعرف وحده شكون الظالم لانه كي تبقاي تشتكي ولو كان عندك الحق رح يقلق هو اياكي
عجوزتك من النوع لسانه سام يعني رايحة جاية تسمم فيك بالكلام الجارح خليها تاكل بعضاها كي تجي تهدرلك هدرة تاع الهدرة على جارتي والمعنى عليا واش ديري يا الفحلة ركزي معاها مليح وشوفي في عينيها مليح باش تقوى شخصيتك وعاونيها في الحكاية نأكدلك في كل مرة رح تفشل وتسماطلها سمومها والسم رح يولي عليها منها محرقتيش اعصابك منها وفرتي كرامتك ومطيحتيش مستواك منها راكي في السليم واش رح تقول معندها متقول هدفها اثارة اعصابك خليها تحفر الحفرة وطيح فيها متربحيش العيب معاها وفي نفس الوقت خليها تقلق هي لانه في نوع من الحماوات ميخافش ربي يقتله بالقلب
الهدايا يا بنتي مدي الهدايا معليش لعجوزتك سلافاتك نسا السلاف بصح هدايا معقولة ومحترمة متطلقيش يدك ومتخزيش يعني حسب طاقتك لانه كاين نوع يقولوله اذا اكرمت اللئيم تمردا فانت امسكي العصا من الوسط
اهل زوجك قومي بيهم ديما كي يجيوك للدار سواء مضاربة معاهم او مع زوجك كوني انت في القمة
الى اللقاء مع نصائح اخرى باذن الله