آلُِبَآيرٍآت * آلُِمخـطُوُبَآت* وُحٍتﮯ آلُِمتزْوُجٍآت نحٍتآجٍهـم هـنآ ♥‿♥

آلُِبَآيرٍآت * آلُِمخـطُوُبَآت* وُحٍتﮯ آلُِمتزْوُجٍآت نحٍتآجٍهـم هـنآ ‿


سلااام لبنات ان شاء الله راكم كاامل بخير

هاذا اول موضوع نديرو هنا وان شاء الله يعجبكم

الموضوع اليوم تقدرو تقولو هو كيفاش تنجحو فالاختبارات قدام عجايزكم سواء اللي رح تسكن مع عجوزتها ولا كي تروح ضيفة وتحب تبين شطارتها

ايا نبداو حنوناتي :

1. كي تكوني دوزني في الغداء و لا العشاء و تبداي تقشري فالخضرة لازم كي تكملي ترمي قبل القشور تع الخضرة و من بعد أغسليها ماتخليش كلش مخلط فوق البوتاجي ولا تقولي نخليهم حتى نكمل ! هنا عجوزتك تقول في قلبها ايه والله منظمة

2.ومن الأحسن كي تعولي راح تبداي تطبخي ديري ديما كمية تاع الماء تسخن باه تمرقي بيها و ماتمرقيش بالماء البارد ! (منها يجي طياب بنين و منها تم تم تطيب الماكلة تاعك )

3.كي تكون القدرة تاعك تتقلى و تحركي فيها جامي تحطي المغرف لي حركتي بيها على البوتاجي ولا الكويزينيار مباشرة ! حطيها في بوغت كويياغ و لا فوق صحن صغير المهم ماتقعدش تقطر و توسخ البلاصة اللي حطيتيها فيها !

4. و هادي مهمة بزااف ديريها مليح في راسك كي تحبي تذوقي من الأكل ماتذوقيش بالمغرف و تحطيها في فمك و ترديها في القدرة هادي اطنسيو !
(كاين بزااف يديروها)ولكن من الاحسن ذوقي بوحدة و حركي بوحدة أخرى و لا حطي شويا في صحن صغير و ذوقي

5. و كي تكوني تعجني و لاتخدمي في أي حاجة بيديك و تحبي تجيبي حاجة أخرى بالاكي تمسحي يديك في قشك سيغتو كي تكوني مزروبة ! بلاكي خير لك روحي أغسلي يديك و ارفدي شا تبغي هي راهي تماركي ماراهيش غافلة عليك

6.وماتخليش الماعن اللي دوزنتي بيهم فوق البوطاجي حتى للعشا خلي القدرة تطيب واغسليهم باش مايكثروش عليك ممبعد

7. كي تكملي دوزين ماتروحيش هكاداك بالروايح تاع البصل و الثوم تقعدي مع الغاشي ترهجيهم مساكن أغسلي مليح بأي نوع صابون تحبي المهم تتنحا الريحة وبدلي حوايجك اضربي فيهاحطة وفحفحي روحك بالروايح

8.وماتنسايش تلبسي الطابلية وتحكمي شعرك وتغطيه باش ما يطحلكش فالماكلة

وملاحظة هاامة الملح ماتكثروش يالوكان تجي مسوسة تقدري تزيدي ممبعد خير ماتجيك مالحة وتولي تزيدي فالبطاطا وثااني اخطيكم ثم اخطيكم مالدصارة والاخبار

وفالاخير البنات هاذو صوالح بزااف عاديين ولازم كل وحدة تولف روحها بيهم بالعجوزة ولا بلا بيها

ايا بيلااا تشااو

ماتنساوناش بكومونتار

شكرا لك على الموضوع