36 نصيحة من تجربتي ""لك اختي المخطوبة و المتزوجة ""

36 نصيحة من تجربتي ""لك اختي المخطوبة و المتزوجة ""




السلام عليكم اخواتي

إن شاء الله تكونو بألف خير

أختي الحبيبة باش تتذكري هاذي النصائح يلزمك مذكرة تكتبي فيها أي نصيحة تسمعيها من أمك أو أحد أفراد عائلتك أو من أي مكان و وظفيها حسب الظروف تاعك ماشي طبقي كل شي بحذافيره



بسم الله نبدأ

النصيحة الأولى و المهمة هي

1- إيااااااك و إياك إهمال صلاتك هي أول ما تحاسبين عليه في قبرك و ذكري نفسك و زوجك كل وقت بضرورة أدائها في وقتها لما لها من جزاء كبير و توفيق من الله في الحياة الزوجية و تعذيب و عقاب و حياة ضنكة مريرة لتركها و إهمالها و ما ذكرتك بها أولا إلى لتجربتي و الله صدقي أو لا تصدقي في أيام محافظتي على صلاتي في وقتها و قراءة القرآن و الأذكار مرة على مرة أجد المشاكل و المعوقات بيني و بين زوجي و أولادي شبه منعدمة و هينة و عند بداية إهمالي لها والله تظهر مشاكل من العدم ماتتصوريهاش قاع ويجيك الحل تاعها بزاف صعيب.


2- عليك بالتفاؤل بالخير في كل شيئ و ثقي بالله و تذكري قوله عز و جل في سورة الأنفال الآية 70 " إِن يَعْلَمِ اللَّهُ فِي قُلُوبِكُمْ خَيْرًا يُؤْتِكُمْ خَيْرًا" و إياك و سوء الظن بزوجك و خطيبك أو أي فرد من عائلته إلا إذا كانت تصرفاتهم تؤكد عكس ذلك واجهيهم و صارحيهم و لا تتكلمي من ورائهم إلا والدي زوجك إياك و الخوض في نقاش معهما.


بالنسبة للجهاز اكتبي قائمة و قسمي الجهاز إلى أقسام حسب الأولوية و الأهمية مثل الآتي 3-

""1 : لوازم الصلاة والمصحف و كتب الزواج""
""2 : الزرابي و الستائر و الأفرشة و الأواني"""
"""3 : التصديرة"""
""4 : الملابس ""
"" 5: المجوهرات و الإكسسوارات ''''
""6 : لوازم الحمام و أجهزة الشعر و الاستحمام ""
"""7 : الماكياج و العطور""
"""8 : الأحذية و الصيكان"""
""9 : هدايا العرس ""
"" 10 :مواد و أدوات التنظيف و التعطير المنزلية""
""الحقائب و لوازم التعليب : 11""

4 - تفاهمي مع راجلك باش تشرو غرفة شابة و تكون عملية يعني ماشي تحوسي على الشكل و الشبوحات شوفي إذا راح ترفدلك قشك و تحافظلك عليه و تكون واسعة و تكفيه. ماتشريش اللي فيها أبواب زجاجية بزاف راح تولي خطر عليك و على أولادك خاصة إذا كنت تسكني مع ناس دارك.

5 - النظام ثم النظام ثم النظام لازم تنظمي حياتك من الألف إلى الياء هاذا اساس النجاح في الحياة
و تكوني تعرفي و لو القليل عن أساسيات تكوين البيت من جميع النواحي

- حقوقك و حقوق زوجك
-القيمة المالية التقريبية للمصروف تاعك و تاع دارك
- الكمية االلازم شراءها من الخضار و الفواكه و مواد التنظيف و الكوسميتيك و الاثاث
-كيفية تخزين الأغذية في الثلاجة و خارجها
-كيفية غسل الملابس و نشرها و كيها
- كيفية تبديل قارورة الغاز
-أساسيات الديكور و تنظيم الأثاث و تفادي تجمع الخردة


6- لازم تعملي قائمة للأشياء الضرورية في الحياة اليومية و الزوجية تاعك مثلا

- أيام شراء لوازم البيت من الخضار و الفواكه و مواد التنظيف و الكوسميتيك و الأواني و الأثاث و الملابس
- أنواع الطبخات و أيام طبخها
- أيام التنظيف المنزلي العام و الخفيف
- أيام غسل الملابس و ترتيب الخزانة


7- قهوة الصباح جد ضرورية لازم توجديهالو كل يوم ماتقوليش راني عيانة مارقدش مليح وليدي تعبني...إلخ الراجل يصبرلك نهار و لا يومين و بعدين يواجهك يقولك الرجال قاع يشربو قهوتهم و أنا كي لي ماعندوش مرا.


8- الدوش تاع راجلك لازم نتي توجديه صح مرات يعذرك خاصة في بداية الحياة الزوجية و لكن بعدها لازم نتي توجديه خاصة إذا كنت مع ناس دارك.


9- فراشك إذا كان عندك بلاكار"مخزن" نظميه فيه و لا حطيه في الخزانة و رتبيه حسب الغستعمال و الشكل "الدراوات وحدهم.الكوفرطات وحدهم .الكوات.المخايد ....إلخ" و اللي ماتستعمليهش بزاف الاحسن خليه في العلب تاعو علا الغبرة و عرضيه لأشعة الشمس على الأقل مرة في الأسبوع للقضاء على الفطريات.



10- غرفتك حافظي عليها دائما مرتبة و نظيفة وتفقديها مرة على مرة في اليوم خاصة مع الأولاد إذا كنت تسكني مع ناس دارك و إذا كنتي تسكني وحدك علمي ولادك مايدخلوش لغرفتك إلا للضرورة و بإذنك و علميهم أنها مكان مهم لراحتك وراحة أبيهم و لازم يخلوها نقية كل وقت


11- حوايجك خليهم ينشفو مليح قبل ما تلايميهم تقدر تخلق فيهم الفطريات"الميديتي" داخل الخزانة خاصة إذا كانت غرفتك مغمومة و ماتقيسهاش الشمس.


12- لاحظت معظم النساء الجزائريات و خاصة منهن العاملات تخلي النيتواياج في عطلة الأسبوع و هاذا خطا كبير. ماتتصوريش الرجل كم ينزعج لذلك حتى كي كنت في دارنا خاوتي يتقلقو من هاذ الشيء يقولو سمانة كامل احنا نخدمو و في الويكاند نزيدو نلقاو الدار مقلوبة قاع .الأحسن تخلي يوم الأربعاء او الخميس و ديري النيتواياج و ولادك دوشيلهم الخميس في الليل و بإذن الله تكون الجمعة و السبت راحة ليك و لأولادك إن شاء الله.


13- لا تكثري الملابس من صنف واحد بل خذي من كل شكل و لون و اقطفي من كل بستان زهرة
و لا تشتري كثيرا إلا حسب الضرورة لأنها ستتكدس في الخزانة و ربما تصيبها الفطريات و أنت لم تلبسيها بعد و التصديرة أنا في رأيي تكري الملابس أحسن إذا كنت مظطرة و إذا شريتي شري "أنصومبل .جبة قبايل. قفطان" يكفي و الله مضيعة كبيرة للمال و أنت في أمس الحاجة إليه


14 - إذا كنت ساكنة وحدك البسي ما يحلو لك من الطويل و القصير و الجذاب حتى و أنت تخدمي شغلك لازم تكون ملابسك أنيقة و لطابلية تاع الشغل شابة و أنيقة


-15 إذا كنت مع أهله أكثري من الملابس المحترمة و أنصحك بارتداء جبة و شال أمام إخوة زوجك و أقاربهم لترضي ربك أولا و يمنحوك الاحترام الذي منحك إياه الله عزو جل و لا تقللي من احترامك بارتداء الملابس الضيقة و الفاضحة و التي تؤدي إلى الفتنة مع الوقت اللي رانا فيه و استغلي ذلك في غرفتك و البسي و تزيني كما يحلو لك مع زوجك في الغرفة و استغلي وجودكما وحدكما في البيت و عند غياب الأولاد أو نومهم في التزين لزوجك و تغيير الروتين و مرة على مرة شري حوايج جدد.


16- بالنسبة للبيجامات و الربات اللي تسكن مع ناس دارها مادابيها تشري بعض الملابس اللي فيها القفالي ولا سنسلة باش جيك ساهلة في الرضاعة صدقوني البنات مادارش عليا العام كنت بوليدي و حصلت حصلة الجبات قاع ماغلوقين في الرقبة و نكون مزروبة مع الشغل نحصل نحي قاع الجبة خاصة إذا كان البرد نبرد بزاف



17- الملابس الجديدة دائما جربيها داخل قليل من الماء خاصة الملابس الداخلية حذاري جسمك راح يتلون بيها بسبب العرق أو حتى و هي جافة و جربي كل لون وحدو و شليهم بعدها بماء عطري و نشريهم و بعدها حدديهم و رتبيهم في الفاليزة أو الخزانة .


18- دائما بالنسبة للملابس ماتستعمليش الجافيل بزاف راح يبيض الحوايج و يقدامو بالخف و حاذري على حوايج راجلك طاشيهم خاصة الملابس المفظلة تاعو


19 - مرة على مرة رتبي حوايج الخزانة و بدليلهم المكان مثلا اللي كانو في الأعلى حطيهم في الأسفل و اللي كانو في الأسفل ديريهم في الأعلى باش تكسري الروتين و تهويهم و اللي شفتي مراكيش تلبسيهم صدقيهم تدي حسنة و لا بيعيهم إذا كنت محتاجة باش تشري حوايج اخرى خاصة إذا حملتي بالخف تروسو البيبي وحدو كثر من 3 ملاين.


20 - ملابس راجلك لازم دايمن تكون واجدة و محددة و ماتنسايش الجوارب تاعو و صبابطو ثاني مرة على مرة نقيهم و اغسليهم حسب النوعية و الظروف وكتا يلبسهم و ديريلهم قجر في الخزانة في الاسفل ولا لاكوافوز باش يكونو منظمين و علا يد باش يجبدهم راجلك


21 - بالنسبة لغرفتك باش تنظفيها وجدي -بالي رطبة
– 2 شيتة تاع الزربية النوع الجديد

و القديم

- ديرهم لغرفتك فقط و فرشاة أسنان للمناطق الصغيرة جدا خاصة في زوايا الأثاث أين تتجمع الأوساخ و الغبار و ماتنسايش مرة على مرة نحي القجور و نقي من تحت .


22 - مرة على مرة غيري ديكور بيتك أو اظيفي شيئا له مثل صورة جدارية أو فاز أو قاغنيتوغ أو أي شي يزيد من جمال بيتك حتى تغييير الدهان يغير البيت بصورة جميلة جدا. بصح ماتظليش تبدلي حتى تفورصي روحك و تمرضي خاصة إذا كنت حامل .


23 - حذاري تمسحي أثاث غرفتك بالماء و الجافيل راح تبياض و تتقشر إستعملي البوليش تاع الزجاج للزجاج و البوليش تاع الحطب للحطب باش تحافظي على أثاث غرفتك. إلا الرفوف معليش امسحيها بالماء و الجافيل لأن البوليش يتاشي الحوايج.


24 - قبل شراء أي مستحضرات تجميل أو أغذية تأكدي أنها لا تحتوي على دهن الخنزير و مشتقاته
E441
و كذلك الملون الغذائي المستخرج من هيكل الخنفساء
E120
لأنها محرمة شرعا و مضرة بالصحة


25 - لازم تكوني تعرفي تطبخي على الأقل الأكلات الجزائرية الأساسية "الكسكسي. الشربة .طاجين الزيتون. المثوم ....إلخ" و بعض الحلويات"مثلا الموسكوتشو" و الأشياء التقليدية "المسمن.الفطير..إلخ"
علابالي بعض الأخوات تقول خطيبي يحب الزين و الدراهم كاين باش نشري و داري وحدي .... بصح عن تجربة و الله طولت ولا قصرت أنت بحاجة إلا تعلمها لأجلك و لأجل زوجك و أولادك و ضيافك اللي يجوك
الراجل يصبر فترة و بعدها يولي يطلب منك ديريهم

26- عموما ديري دايمن 1000 دج او 2000 إحتياط تاع دراهم تحتاجيهم في أي وقت و عودي زوجك يمدلك مصروف بصح ماتكلفيهش كثر من القدرة تاعو.

27- ماتنسايش تسقسي على دارهم مهما يكونو قراب ليك و تكوني مخطوبة او متزوجة ماتنسايش هاذا الشي

28 - بالنسبة للجهاز دائما شري لاطاي كثر من لاطاي ديالك شوية راح تسماني اكيد خاصة خلال الحمل و الملابس الداخلية كذلك خاصة حاملات الصدر

29- عليك بتنظيم بيتك من الأشياء الصغيرة إلى الكبيرة الغرفة المطبخ الحمام كل شيئ

30- ماتكثروش الكريمات و المواد الكيميائية كثرو من الأشياء اللي تستعملوهم بزاف أنا عندي ماستر بيولوجيا و درسنا مليح هاذي المواد واش دير مكاش كيما الحاجة الطبيعية

31- بالنسبة لأيام الحيض أو الأيام الاخرى وجدي فوطة كيبيرة تكون داكنة اللون ديريها تحتك كي ترقدي باش ماتغسلسش الدراوات كل وقت و مايقداموش تم تم

32 - بالنسبة للسيشوار اللي شعرها طويل احسن طريقة لتسريح الشعر هي السيشوار العادي و اللي شعرها قصير يساعدا اليسور ولا السيشوار على شكل المشط

33- بالنسبة للعلاقة الزوجية ماتنساوش إستعمال زيت زيتون مرقية مهمة جدا لتفادي التلوث و الأمراض في المنطقة الحساسة

34- الشامبوان و بعد الشامبوان على الاقل 2 من كل وحدة و الماسك واحد يكفي و الصابون صابون مارساي و صابون حجرة ماتنسايهمش صابون حجرة للملابس الداخلية و صابون مارساي للوجه و الجسم و الجوتابل الماركة اللي مليحة و اللي ينساب مع تعرجات الجسم باش ماتجرحيش روحك

35 - أهم شي في نجاح الحياة الزوجية و في كل الظروف تصرفي على طبيعتك مع ناس دارك و راجلك

36- البنات ماتنساوش مواد التنظيف تاع الزجاج و الخشب و الفراش "الريحة" تاع الدار انا نسيتهم حتى وليت ندير البارفان العادية تاع الجسم



كي نجمع نصائح أخرى نحطهالكم إن شاء الله و أي حاجة تحتاجو راني هنا

شكرا لك على الموضوع