التشاراك بالعجينة السحرية و هي بصراحة فعلا رائعة

التشاراك بالعجينة السحرية و هي بصراحة فعلا رائعة
تسمى العجينة السحرية وهي اكثر من راااااائعة الحلوى تذوب
في الفم صراحة احسن وصفة جربتها على الاطلاق
المقادير:
كيلة سمن ذايب وبارد
كيلة زيت
كيلة حليب سائل
فرينة
نخلط السوائل مع بعض ثم نضيف الفرينة تدريجيا حتى نتحصل على عجينة تكون متماسكة نشكل كويرات 28 غ نغطيهم مليح و نخليهم يرتاحو .
نحضر الحشو / ممكن تحضير الحشو العادي 3 كيلات لوز مرحي،كيلة ناقصة شوية سكر،قرفة،2م ك زبدة ذايبة أنا غيرت الحشو و حضرت / 1 و 1/2 كيلة كاوكاو محمص و مرحي + كيلة جلجلان محمص و مرحي + كيلة حلوة الترك و شوية معجون المشمش نخلط بيه .
نفتح العجينة بعدما ارتاحت نحط الحشو في الوسط و نغلق ,نعطيها شكل هلال ممكن نلفها على كأس شاي و نحط الحلوى في صينية فرن مرشوشة بالفرينة .
نحطها طيب حتى يولي اللون دهبي منيبسهاش .
نحضر السيرو / 1 كيلة سكر + 3 كيلات ماء نحطهم يغليو نحسب 10 دق و نطفي نضيف عليه 1/2 كأس عصير ليمون أو ماء الزهر .
نحط التشاراك في السيرو ثم السكر الرطب على الأقل 3 مرات .
نتمنى تجربوه و يعجبكم
و يقدم بالصحة و لهنا .

[ندعوك للتسجيل في المنتدى أو التعريف بنفسك لمعاينة هذا الرابط]