هكذا يكون الرجل

دخل من الخدمة للدار ميت بالعيا ..قابلاتو يماه : (( شوف أنا مرتك ما وليتش نحملها نهار كامل و هي مقابلة المراية ما تخدمش كيما حنا ما طيبش كيما حنا ..دير كلش من راسها ))
(( خلاص يما لعزيزة ما تتقلقيش دوك نروح ليها و نفهمها))...طلع للشومبرا ....لقى مرتو مشنفة ..بدا يعيط و يسمع في يماه (( ما نحبش نزيد نسمع يما زعفانة على جالك فهمتي أنا يما هي كلش لازم تشاوريها في كلش فهمتي ))
العجوزة يماه راهي تسمع و ميتة بالفرحة....
ثم اقترب من مرتو و عنقها وشراهي عمري المشنفة ديالي لي زعفتها مامايا ....أسمعي ساعفيها شوية راكي تعرفي الكبار نتي شاوريها ما خسرتي والو و الله غير تحبك و شحال من مرة تقلي اتهلا فيها و بقى يفهم فيها و يدرلها العقل و ما خرجش حتى شاف مرتو تضحك
راح ليماه قاتلو : صحيت يا وليدي البنات تاع دوك لازملهم التزيار ...ما ترخيلهاش الحبل تطلع فوق راسك ....اييييه الحمد لله اعطاني ربي ولد طايعني روح ربي ينورها في طريقك
(( شوفي يما انا صح عيطت عليها على جالك و فهمتها و بكيتها بصح هي راهي كيما بنتك نتي تحبي بنتك تكون ماشي مهنية ؟؟ شوفي هي قاتلي راني نحبها و نحترمها بصح نحب نوريلها شطارتي ...و خليها يما دير واش تعرف راكي تعرفي البنات تاع دوك ماشي كيما نتوما بكري هوما يحبو المسلسلات ما ينوضوش بكري كيما ختي ..كيفكيف هه)).... و بقى يقنع فيها
غدوا من داك جاب 3 قرع ريحة خبى الثالثة و دا لمرتو 2. و قالها (( وحدة ليك و وحدة ليما و يما قاتلي مرتك هي تخير اللولة تدي لي عجبتها )) الزوجة ماتت بالفرحة و خيرت
ايا جبد قرعة الريحة الثانية و جبد ليماه 2 وقالها (( وحدة ليك و وحدة لكنتك بصح هي قاتلي يماك تخير اللولة هي احق مني )) ههه يماه ماتت بالسعادة و حن قلبها على عروستها و بدات المفاهمة و كي قعدة قرعة الثالة راح مدها لختو باش ماتقولش حقرني ههههههه
‫#‏العبرة‬
هكدا الرجل ما يرضيش وحدة على حساب وحدة ...بالذكاء و الحكمة يفرح مرتو و يكسب دعاوي الخير من يماه و يصلح بيناتهم

هههههههه مليحة هذي
يعطيك الصحة حنونة

شكرا لك على الموضوع
نتمنى ان لا نحرم من مواضيعك و اطلالتك الباهية
نحن في انتضارك و لو طال غيابك

شكرا وردة
بصراحة كنت انت العمود الفقري للمنتدى بداية من تأسيسه
و مزالت مواضيعك في جميع اقسام المنتدى تشهد لك
و يا ريت لو ترجعي للمنتدى نستفادو منك و من مواضيعك الرائعة
و اعادت الحيوية و النشاط للمنتدى فالمنتدى بدونك سابط و بدون طعم

تحية طيبة عطرة بورود النرجس يا أحلى وردة بالمنتدى
مبروك ما زاد عندك حنونة
عرفت هنا في المنتدى صديقات هن رائعات صادقات محبات للخير فيهن من هن أفضل من صديقات الواقع الحقيقي أحبكن جميعا من كل قلبي و أتمنى أن نلتقي يوما ما
حبيباتي
@سمراء و @randa و @نسيمة و @رانية و @ايمان و @أماني و @ليديا و @وردة الرمال و @nesma و @Soleil Aseel