موضوع هام بزااف للبنات في وقتنا هذا

كشرودات موضوع هام بزااف راني حابة نحكيهلكم كاين بزاف بنات راحو ضحية من هذا المشكل
ونتمنى نفيدكم بيه ولو القليل امالا تبعو معايا وركزو غاية ومراني حابة لا تفاعل لا تشجيع منكم المهم نتمنى شي بنات يفيقو من هذا السبات
انا حابة نحكي في موضوع لي هو يخصنا و نتمنى تهتمو بيه ولا على الاقل تقراوه بليز انا حبيت نهدر على بنات اليوم لي مات عندها الضمير و الاحساس بالمسؤولية و معلباليش وين يكون عقلها نهار لي تكون مع حنونها ولا كي يكون يطلب منها واحد الصوالح وراني نحكي على العلاقات غير رسمية ني خطبة ني زواج و هذا الشي عادي وراه ظاهر بزاف في بلادنا مي المشكل وراه راه في التخمام مثلا وحدة يقلها صحبها حاب نشوفك و متوحشك ابعثيلي صور ديالك و هي اكيد رايحة ترفض و تقولوا لالا و هو اكيد يبدا في الدرامة نتاعوا يزعف يقلها مكيش دايرة الثقة فيا و هذي عشرة سنة و انا نقول تحبيني و مأمنة فيا و ناويك للحلال و دايرك مرتي و ام ولادي و يبدا يحلف والله غير نحبك و نخاف عليك و زعما و اش ندير بصورك انا كي نتوحشك نشوفهم برك و من يقلها دبري راسك و انا لي كنت نظن بلي تحبيني من باعد هي تحس بالندم و الضمير يتحرك و بعد 5دقائق تبعثلوا و منحكوش على.المتحجبة.لي تبعث صورها في عرس.مع روبة صواري و الشعر مطلوق و نسات روحها و نسات بلي هذا السيد ميكنلها حتى علاقة غير وسائل التواصل و خلعها ب 2 كلمات و قالت راه يحبني و ناويني و شافت في الفليكساج لي كان يفليكسيلها و تفكرت كي قلها ليوم راني حكيت ليما عليك و تفكرت كيفاه اختوا حكات معاها .... المهم هذوا كامل ديمودي و راهم كامل معاودين على البنات . ومثلا لي يقلها ارواحي نشوفك توحشتك و هي بطبيعة ترفض من بعد يدير الدراما لي شفناها ويزيد عليها كلمات : علاه رايح ناكلك وياك نتآمل غير في عينيك و نشد يدك باش تحسي بحبي لكبير ..... و هي تحس بالندم و تقلك عادي نروح نشوفو برك من بعد تروح و يصرا لغير متوقع انا منيش نخمم في المصيبة (....) يعني حاجة سطحية متعلمينها من موسم الكرز عادي عادي ههههه
ومثلا لي يقلها نعيطلك على 12 فليل نحكو يلحق الوقت و يعيط و هي تحت الغطى و خوها راه منهيه و داير اختوا راها راقدة و من بعد يبدا المعلم في الهدرة و بكل روح رياضية و بكل قذارة يهدرلها على الزواج بالتحديد نهار الخميس و يقلها حنا نديرو و نديروا .... حيوان و هي كي الجايحة تضحك و مصدقة روحها و عنبالها راها المدام و عجبها الحال و تقلك عادي كامل الذراري يحبو هذي الهدرة و لوكان منحكيش معاه هكذا ميحبنيش و ......
شوفي يابنت الناس لي جابتك ميمتك و رفداتك 9 اشهر و باه تخرجي من كرشها حاجة بزاار و شوفي في وجه باباك لي يحاول قد مايقدر يآمنلك المعيشة و راحة و شوفي في وجه خوك لي عمرو مخمم اختوا تههدر ولا تدير هذوا صوالح يجي واحد رخيس و يديرك متسوايش و يخليك تخمي في الموت على جالوا و تنساي ربي و تنساي والديك هذا وشكون هو واحد رخيس و ميستاهلش حتى دمعة من عينك و لوكان جا يحبك ميطلبش منك صور و ... الا اذا كان خطيبك وانت الا قارنك بالهذوا صولح و قالك ياهوما يا انا مكيش مجبورة تبقاي مع واحد حاب يخسرك و الحب مهوش هكذا و العلاقات مهيش عيب و الحب مهوش حرام ربي خلقو ا فينا فطرة كيما نحبو ناكلو و نحبوا نلبسوا و العلاقات الا كانت مبنية على الاحترام و القدر مهيش حرام حتى الا تفارقتو تكوني بالنسبة ليه وحدة متربية و انت تكوني ديتي تجربة و متكونيش خايفة حتى و ديري 30 علاقة المهم القدر و الاحترام و كاين ولاد الحلال لي يحترموك و يقدروك ولي ولد حلال انتع الصح يجي من باب واسع مشي من تاقة ولا راني غالطة اذا غالطة قولولي.

موضوع هام تع الصح

نتمنى البنات يستفادو منه

الف مبروك زواجك وردة نتمنالك حياة زوجية سعيدة و ان شاء الله العقوبة للذرية الصالحة
و يا ريت لو ترجعي للمنتدى نستفادو منك و من مواضيعك الرائعة .